பிணம் தின்னும் கழுகுகள்

பிணம் தின்னும் கழுகுகள்
நதிக்கரையில் அமர்ந்திருக்கும்.
வேட்டை நாய்கள் ஊலையிடும்.
இரத்த வாடை காற்றில் வீசும்.
நரிகள் அலையும்.

ஒரு போர்
ஒரு வெறி
ஒரு வெற்றி

ஒரு உடன்படிக்கை
ஒரு சமாதானம்.

நாடுகள் பிளவுறும்.
நகரங்களுக்கு புது எல்லைகள்
அறிக்கைகள் ,
ஆயுதங்கள் ,பேரங்கள்.
ஊழல்கள்.

ஆட்சி மாற்றம்
கட்டுபாடுகள்
விதிமுறைகள்
கண்ணியம்
ஒழுக்கம்
கொஞ்சம் கொலைகள்.

போராளிகள் தோன்றுவர்.
இயக்கங்கள் உருவாகும்.
பிஞ்சு குழைந்தைகளின் கைகளில் துப்பாக்கிகள் கொடுக்கப்படும்.

ஆட்சி மாறும்.
அதிகாரம் மாறும்.
ஆள்பவர்கள் மாறுவார்கள்.
உறுதி மொழிகள் அள்ளி வீசப்படும்.
துரோககங்கள் நிகழும்.
பட்டினி சாவுகள் சாதரணமாகும்.

எல்லாவற்றுக்கும் பின்னால்,

ஒரு சர்வாதிகாரம்
ஒரு பேராசை
ஒரு ஏமாற்றம்
ஒரு கண்ணீர் துளி.