"நான் தான் தலைவனா இருப்பேன்."
"இல்ல நான் தான் "
"ஏன்டா இப்படி அடிச்சிக்கிறீங்க
எனக்கு தலைவலியா இருக்கு "
கமல், நாமெல்லலாம் அண்டார்டிக் போக போறோம் அதுக்கு யார் தலைவனா இருக்கதுங்கிறது தான் பிரச்சனை.
"நாம கோவா போகலாமே "
அது எங்கே இருக்கு கமல்
உங்க யாருக்கும் தெரியாதா
நீ தான் இந்த பெயரை சொல்ற
"எனக்கு தலை வலிக்குது
ஆமாம் இது என்ன வருஷம்"
2132
ஒரு நிமிஷம்
என்ன கமல்
நான் இருபத்தியோரம் நூற்றாண்டை சேர்ந்தவன்.
*
ஆபீஸ் ரூமை திறந்த போது சென்ட் வாசனை அடித்தது.இருளுக்குள் சென்று லைட்டை on செய்தேன்.
"வாங்க கமல் ".
ரஜினி சோபாவில் அமர்ந்திருந்தார்.
"வயசனாலும் உங்க ஸ்டைல் மட்டும் மாறவே இல்ல "
"நான் உங்கள தான் பாக்க வந்தேன்
கமல் "
" அது சரி பூட்டியிருக்க ஆபீஸ்குள்ள எப்படி வந்திங்க "
"---"
"என்ன ரஜினி எதுவும் பேச மாட்டேங்கிறிங்க "
திரும்பிய போது ரஜினி கையில் ரிவால்வரோடு நின்று கொண்டிருந்தார்.
*
லேப் பளிச்சென்றிருந்தது.கண்ணாடி சிதறல்கள் இல்லை.கதவு உடைக்க படவில்லை.ரத்தம் திட்டு திட்டாக உறைந்திருக்கவில்லை.
இன்னும் ஏகப்பட்ட இல்லைகள்.
புரபசர் தூங்கி கொண்டிருப்பது மாதிரி தான் இருந்தது.இன்ஸ்பெக்டர்க்கு ஆச்சரியமாக இருந்தது.இது வரையிலும் எந்த கொலையும் இப்படி நிகழ்த்தபட்டது இல்லை.தடயவியல் குழுவும் எதுவும் கிடைக்கவில்லை என்று சொல்லி விட்டது.இன்ஸ்பெக்டர் புரபசரை நகர்த்தினார்.பின் மண்டையில் குட்டியாய் ஒட்டி கொண்டிருந்த சிப் அவர் வழுக்கையில் தெரிந்தது.
"பூத கண்ணாடி கொண்டு வாங்க "
"என்ன சார் அது "
இனிமேல் தான் கண்டுபிடிக்கணும்.
அவர்களுக்கு எப்போதும் அது தெரிய போவதில்லை.இன்னும் அறுபது ஆண்டுகளுக்கு பின் அதை கண்டுபிடிக்கவே போகிறார்கள்.
அரசாங்கத்தால் தடை செய்யபட போகிறது.
பூதக்கண்ணாடி வழியே நானோ புல்லடை வியப்புடன் இன்ஸ்பெக்டர் பார்த்து கொண்டிருந்தார்.
*
என்னோட ஸ்டுடெண்ட்லேயே நீதான் புத்திசலியானவன் கமல்.
"நன்றி புரபசர் "
இதுல இருக்க எல்லா பிரச்சனைகளையும் யோசித்து தான் இந்த முடிவுக்கு வந்திருக்கேன்.
உனக்கு சம்மதமா
" நூஉஉஉறு சதவீதம் "
"ஏன் இப்படி இழுத்து சொல்ற கமல் "
இந்த வார்த்தையை என் மனசுக்குள்ள யாரோ பதிய வச்சிட்டாங்க சார்.
"யாரு "
துபூச்சிக்கு துபூச்சிக்கு பிக்பாஸ்
"என்ன உளர்ற கமல் "
ஒன்னும் இல்ல சார் நீங்க ஆரம்பிங்க.
புரபசர் நாற்காலி மாதிரி இருந்த அந்த வினோத மெஷினில் கமலை உட்கார செய்தார்.காலம் 2132 செட் செய்தார்.
"சார் இதை நிறுத்துங்க "
"என்ன கமல்"
எனக்கு தலை வலிக்குது .
*
"இந்த ரிவால்வர் பழைய மாடல் ரஜினி,
உன்ன மாதிரியே அதுக்கும் வயசகிடுச்சு "
"ஆனா உனக்கு வயசாகலையே கமல்
அப்படியே தானே இருக்கே "
புரபசர் என்னை விட்டு உன்னை தேர்ந்துடுக்கும் போது எனக்கு சந்தோசமா இருந்தது கமல் ஆனா நீ அவரயே கொல்லுவனு எதிர்பார்க்கல.
"---"
போலீசுக்கு வேணா தெரியாம இருக்கலாம் எனக்கு தெரியும் கமல்
இத்தனை வருஷம் உனக்ககாத்தான்
காத்திருந்தேன்.புரபசர் இறந்து நாப்பது வருஷம் கழிச்சு தான் என்னால இதை உருவாக்க முடிஞ்சது.
*
என் பெயர் ரஜினி.கடவுள் ரஜினியோட பக்தன்.எனக்கு ஒரு நண்பன் இருக்கான்.
காலேஜ் ல தான் அவனை பார்த்தேன்.
அவன் பெயர் கமல்.எங்க ரெண்டு பேரையும் இன்னைக்கு புரபசர் வர சொல்லியிருக்கிறார்.கமல் அறைக்கு சென்ற போது பூட்டியிருந்தது.
கமல் எப்போதும் இப்படி தான்.
அதை விட அதிர்ச்சியான விஷயம் மாலை புரபசரை இறந்த செய்தி வந்தது.
கமலையும் காணவில்லை.
*
நான் இங்க வந்த முதல் நாளே எனக்கு நண்பர்கள் கிடைச்சிடாங்க ரஜினி.
நாம காலம் பூரா கோவா போற மாதிரி பிளான் போடறது இங்க இல்லை.
புரபசர் நல்லவர் தான்.
அவர் நூறு வருடங்காகளுக்கு அப்பறம் உள்ள தொழிநுட்பங்களை இப்பவே கொண்டு போக நினைச்சார்.இந்த உலகமே கொண்டாட்டமா இருந்தது.
எனக்கு இங்க இருந்து வர விருப்பமே இல்லை.அப்போ தான் அவர் உன்னை அனுப்பிச்சார்.2136ல உன்னை பார்த்ததுமே ஒரு விஷயம் எனக்கு புரிஞ்சது.நமக்குள்ள இருக்க போட்டி நூறு வருஷம் கழிச்சும் நான் தொடர விரும்பல.
அண்டார்டிக்ல வாங்குன துப்பாக்கியோட புரபசர பாக்க என்னை அனுப்பிச்ச அதே தேதியில வந்தேன்.அவரை என்னால சமாதானம் பண்ண முடியல .அதனால,
ரிவால்வர் வெடித்தது.
வயசானாலும் உன் ஸ்டைல் மட்டும்
மாறல ரஜினி.
*
திரையரங்கம் ஆர்பரித்தது.தியேட்டரின் உள் அறையில் ரஜினியும் கமலும் அமர்ந்திருந்தனர்.
"எப்படி ரஜினி கிளைமேக்ஸ் சரியா
இருக்கும்னு நினைச்சீங்க "
மன்னிக்கிறவன் தான் பெரிய மனுசன் டையலாக் இப்போ யாரும் ஏத்துக்க
மாட்டங்க கமல்.
"பழி வாங்குற கதை தான் தமிழ்ல
ஓடும் போல "
ஆமாம் அது கிறிஸ்டோபர் நோலனா இருந்தாலும்.
A flim by Nolan என டைட்டில் ஓடி கொண்டிருந்தது.கமல் பிக்பாஸ் 18க்கும்
ரஜினி எந்திரன் 8 ற்கும் கிளம்பிய போது
அரசியலுக்கு வா தலைவா என கோஷம் வெளியே கேட்டு கொண்டிருந்தது.
கருத்துகள் இல்லை:
கருத்துரையிடுக